O Club de Baloncesto Estudiantes Leyma Natura de Lugo celebrou esta tarde ás 17:30 horas, no Pazo Provincial de los Deportes, a súa primeira "Chocolatada Do Nadal", cos seus xogadores e alumnos das súas escolas deportivas, que resultou un grande éxito de convocatoria, coa asistencia de máis de 300 persoas entre os nenos e os seus pais.
O evento foi organizado por iniciativa do Grupo Leite Rio S.A., que é patrocinador oficial do Estudiantes a través de Leyma Natura.
O catering serviuse por cortesía do Grupo Leite Rio S.A, consistente en chocolate á cunca de Leyma acompañado con churros, como é tradición. O director comercial de Leite Rio, Alfonso Pastrana, acudiu ao evento en representación de Grupo Leite Rio S.A.Por parte do Club Estudiantes Lugo, estivo presente todo o seu staff directivo, encabezado polo seu presidente, Jesús Lázare.
Cara ao final da festa, Papá Noel sorprendeu coa súa aparición a todos os convidados, que o recibiron con entusiasmo. Entre os máis pequenos, os alumnos das Escolas de Predeporte e Prebasket, Papá Noel repartiu máis regalos especiais.
